Фото: kz.kursiv.media
Өнеркәсіп және құрылыс министрі Қанат Шарлапаев Қазақстанға автомобиль әкелу ережелеріндегі өзгерістерге түсініктеме берді, деп хабарлайды Ult.kz.
«Ең алдымен сіздерге екі жайтты түсіндіргім келеді. Бұл ереже бойынша елге автомобиль әкелу 2015 жылдан бастап қолданылып келеді. Яғни, ережеде ешқандай өзгеріс болған жоқ. Екіншісі, мен тек екі фактіні келтірейін. 2023 жылы бір адам 793 автомобиль әкелген жағдайлар болды. 34 адам 100-ден астам автомобиль әкелді. Яғни, олар барлық белгілер бойынша кәсіпкерлікпен айналысады», - деді Шарлапаев үкімет үйіндегі дәлізде.
Оның айтуынша, бұл кез
келген шектеуді орнату туралы емес, заңды кәсіпкерлік қызмет туралы әңгіме
болып отыр. Министр мұндай көп мөлшердегі автомобильдерді жеке пайдалану үшін
емес, қайта сату үшін әкелетінін нақтылады.
Мемлекеттік кірістер
комитеті 18 қарашада жаңа ережелер туралы жариялады. 1 желтоқсаннан бастап заңды
тұлғаларға автомобильдерді тек көлік құралының түрінің бекітілген типі (ОТТС)
болған жағдайда ғана әкелуге рұқсат етіледі. Заңды тұлғалар мен жеке
кәсіпкерлер үш жастан асқан қолданылған автомобильдерді кез келген мөлшерде
СБКТС (көлік құралының конструкциясының қауіпсіздігі туралы куәлік) бойынша
рәсімдей алады.
Қазақстандықтар жылына бір
рет жаңа немесе қолданылған бір автомобильді әкеле алады, оны СБКТС бойынша
рәсімдейді және жеке пайдалану үшін арналған тауар ретінде арнайы тарифтер
бойынша баж салығы салынады. Ерекшелік – электрмобильдер, кейбір коммерциялық.
130 рет оқылды
