Фото:depositphotos.com
Қысқы демалыс 2024 жылдың 30 желтоқсанынан 2025 жылдың 8 қаңтарын қоса алғанда - 10 күн демалыста болады, деп хабарлайды ult.kz.
Оқу-ағарту министрлігі каникул кезінде де іс-шаралар өтетінін мәлімдеді.
“Мектеп оқушыларының қысқы демалыс кезінде тиімді және қауіпсіз жүріс-тұрысы мен тұлғалық дамуы үшін "Біртұтас тәрбие" бағдарламасы аясында іс-шаралар жоспары әзірленді. Мектептің іс-шаралар жоспарына оқу, спорттық, мәдени және шығармашылық іс-шаралар кіреді”, – делінген хабарламада.
"Оқуға құштар мектеп" жобасын іске асыру шеңберінде – "Қыста кітап оқимыз, жадымызға тоқымыз" мектепішілік іс-шара;
Театр фестивальдері мен қойылымдары;
Жаңа жылдық әшекейлерді жасау бойынша шеберлік сабақтары;
Қауіпсіздік сабақтары;
Мұражайларға, ғылыми орталықтарға және тарихи ескерткіштерге танымдық экскурсиялар;
Спорттық ойындар, коньки тебу, шаңғы тебу;
Қайырымдылық шаралары және т.б.
“Балалардың қауіпсіздігін қамтамасыз ету – басты басымдықтардың бірі. Осы орайда балалардың қатысуымен болатын жол-көлік оқиғаларының алдын алу, мектептерде ішкі тәртіп ережелерін сақтау, көшедегі қауіпсіздік шараларын сақтау, үйдегі өрт қауіпсіздігі мен киберқауіпсіздік мәселелеріне баса назар аударылып жатыр. Бұл іс-шаралар білім беру ұйымдарына әдістемелік ұсыныстар ретінде жіберіледі”, – дейді министрлік.
192 рет оқылды
